பந்திங் கொலை வழக்கு - பண்ணைத் தொழிலாளிகளின் மனு விசாரணை ஒத்தி வைப்பு

25-11-2010  (15:25:08)

பந்திங்கில் கொலை செய்யப்பட்ட சுசீலாவதி கொலை வழக்கில் தடயங்களை அழித்ததற்காக சிறைத்தண்டனை அனுபவித்து வரும் இரண்டு பண்ணைத் தொழிலாளர்கள் தண்டனையை எதிர்த்து மேல் முறையீடு செய்துள்ளார்கள். துணை அரசுத்தரப்பு வழக்கறிஞர் இஷாக் முகமட் யூசூப் தமக்கு பதில் தயாரிக்க மேலும் கால அவகாசம் தேவை என்று கேட்டுக் கொண்டார். நீதிபதி மொக்தாருடின் பக்கி பிரச்சினை இல்லாமல் முடிக்க வேண்டிய வழக்கை சிக்கலாக்கி வருகிறார்கள் கனத்த இதயத்துடன் மனு விசாரணையை ஜனவரி 10 - ஆம் தேதிக்கு ஒத்தி வைப்பதாக அறிவித்தார். இரு தரப்பினரும் வழக்கு தொடர்பான தகவல்களை முழுமையாக சேகரித்து வர வேண்டியது முக்கியம் என்றும் நீதிபதி கூறினார்.