இந்த ஆண்டு யூபிஎஸ்ஆர் தேர்வு முடிவுகள் சிறப்பாக உள்ளன

இந்த ஆண்டு தேர்வு எழுதிய 4,82,334 யூபிஎஸ்ஆர் மாணாக்கர்களில் 10.02 விழுக்காடு அல்லது 48,327 பேர் எல்லா பாடங்களிலும் "ஏ" எடுத்து வெற்றி பெற்றுள்ளனர். கடந்த ஆண்டு 9.51 விழுக்காடு மாணாக்கர்கள் தான் எல்லா பாடங்களிலும் "ஏ" எடுத்தனர். கல்வித்துறை இயக்குனர், இன்று ஆறாம் வகுப்பு யூபிஎஸ்ஆர் தேர்வு முடிவுகளை வெளியிட்டு பத்திரிகையாளர்களிடம் பேசினார். கடந்த நான்கு ஆண்டுகளில் இந்த ஆண்டின் மொத்த சராசரி தேர்வு முடிவுகள் சிறப்பாக இருப்பதாக குறிப்பிட்டார். குறைந்த தேர்ச்சியான "சி" கிரேடு வாங்கிய மாணாக்கர்கள் எண்ணிக்கை கூட 1.37 விழுக்கடு குறைந்துள்ளது. மேலும் தேர்ச்சியடைய முடியாத "டி"மற்றும் "ஈ" கிரேட் வாங்கியவர்கள் எண்ணிக்கையும் இந்த ஆண்டு குறைந்துள்ளதாக தெரிவித்தார்.