மைக்கா முதலீட்டாளர்களுக்கு நற்செய்தி

மைக்கா முதலீட்டாளர்களுக்கு நற்செய்தி

16-04-2010 (22:11:52)

மைக்காவில் பங்கு முதலீடு செய்துள்ள 66,000 முதலீட்டாளர்களின் இதயங்கள் குளிருவது போல் ஒரு நற்செய்தி வெளியாகி இருக்கிறது. இங்குள்ள இந்தியத் தனியார் குழுமம் ஒன்று, மக்காவின் மொத்த பங்குகளையும் 106 மில்லியன் ரிங்கிட்டுக்கு வாங்கவிருப்பதாக தெரிகிறது. மைக்காவின் மொத்த சொத்து மதிப்புக்கு மேலே வாங்கும் விலை 20 மில்லியன் ரிங்கிட் என்று நிர்ணயம் செய்யப்பட்டுள்ளது. மைக்கா தற்சமயம் 85 மில்லியன் ரிங்கிட் மதிப்புள்ள சொத்துகளைக் கொண்டுள்ளது. கடந்த 26 ஆண்டுகளாக காத்திருந்த இந்திய வம்சாவளிகளுக்கு பங்கு முதலீட்டுத் தொகை திருப்பிக் கிடைப்பதால் பெரிய மகிழ்ச்சி என்பதில் சந்கேகமில்லை. மலேசிய அரசாங்கமும் மைக்கா பிரச்சினைக்கு தீர்வு காணவேண்டும் என விரும்புகிறது. 1984- ஆம் ஆண்டு மைக்காவில் பங்கு வாங்கியவர்கள் பெரும்பாலும் தோட்டத் தொழிலாளர்கள். வாழ்க்கையில் சேமித்து வைத்திருந்ததையும் நகைகளை அடமானம் வைத்தும் பங்குகளை வாங்கி ஆதரவு தந்தனர். ஆனால், 1982-ஆம் ஆண்டில் தோற்றுவிக்கப்பட்ட மைக்கா, வாக்குறுதி அளித்தபடி செயல்பட முடியாமல் போய்விட்டது. இந்தக் காலகட்டத்தில் அரசாங்கம் இந்திய விவகாரத்துறையை அமைச்சரவையில் ஏற்படுத்தி இந்தியர்கள் எதிர்நோக்கும் பிரச்சினைகளைக் களைய எடுத்துவரும் ஆக்கப்பூர்வமான நடவடிக்கைகளில் இது நல்ல தொடக்கமாக இருக்கிறது என கூறப்படுகிறது.