பிரிக்பீல்ட்ஸ் கள்ளுக்கடைக்கு விரைவில் மூடுவிழா

09-10-2010 (15:49:31)

லிட்டில் இந்தியா என்ற புகழ் பெற்ற புதுப்பெயருடன் மாபெரும் மாற்றம் கண்டு வரும் பிரிக்பீல்ட்ஸ் என்னும் ஜாலான் துன் சம்பந்தன் பகுதியில் 50 ஆண்டுகாலமாக இருந்த களுக்கடை சில தினங்களில் உடைபடவிருக்கிறது. இம்மாத இறுதியில் இந்தப் பகுதியில் இருக்கும் கல்ளுக்கடை மட்டுமன்றி கீழ்த்தரமான செயல்களில் ஈடுபடும் சில மையங்களும் தகர்க்கப்படும். 20-க்கும் மேற்பட்ட அரசு சாரா அமைப்புகளிடமிருந்தும் பல வீட்டு உரிமையாளர்களிடமிருந்தும் கள்ளுக்கடையை மூடுமாரு கடிதங்கள் வந்துள்ளன என்று கூட்டரசுப்பிரதேசம் மற்றும் நகர்ப்புற நல்வாழ்வுத்துறை துணை அமைச்சர் டத்தோ எம். சரவணன் சொன்னார். ஓரு புகழ் பெற்ற ஆலயத்துக்கு அருகிலிம் அதிகமான மக்கள் வசிக்கும் அடுக்குமாடி குடியிருப்புகளுக்கு அருகிலும் இந்தக் இந்தக் கள்ளுக்கடை இருப்பதால் பல குடிகாரர்களின் தொல்லைகள் தாங்க முடியாத அளவுக்கு போய்விட்டது என பலர் தெரிவித்துள்ளனர். இது தவிர செந்தூலிலும் பெர்ஜெயா டைம்ஸ் ஸ்கொயர் பின்புறத்திலும் கள்ளுக்கடைகள் உள்ளன. வெள்ளையர்கள் காலத்தில் தோட்டப்புற பாட்டாளிகளுக்காக கள்ளுக்கடைகள் ஏற்படுத்தப்பட்டன. இந்த நவீன காலத்திலும் இத்தகைய கள்ளுக்கடைகள் தேவையா என்று பொது மக்கள் கேள்வி எழுப்புகின்றனர்.