ரோஸ்மா மன்சோருக்கு மலாக்காவின் டத்தோஸ்ரீ உத்தாமா விருது

09-10-2010 (16:21:23)

மலாக்கா யாங்டி பெர்த்துவா நெகிரி துன் காலில் யாக்கோப் பின் 72 ஆவது பிறந்த நாளை ஒட்டி பல முக்கிய பிரமுகர்கள் விருது பெற்றனர். இதில் பிரதமரின் துணைவியார் டத்தின்ஸ்ரீ ரோஸ்மா மன்சோர் முதல் நிலை வகிக்கிறார். மொத்தம் 97 பேர் டத்தோ விருதையும் 57 பேர் டிபிஎஸ்எம் என்ற மாநிலத்தின் புதிய விருதையும் பெறவிருக்கிறார்கள். ரோஸ்மாவிற்கு மாநிலத்தின் உயரிய விருதான "டத்தோஸ்ரீ உத்தாமா" என்னும் டியுஎன்எம் பட்டம் வழங்கப்படும். சுற்றுலாத்துறை அமைச்சர் டத்தோஸ்ரீ இங் என் என்னுக்கும் தலைமை நீதிபதி துன் ஸாகி அஸ்மிக்கும் டத்தோஸ்ரீ விருது வழங்கப்படும். மாநில ம.இ.கா. துணைத்தலைவர் மகாதேவனும் டத்தோ விருது பெறுபவர்களில் ஒருவர் என்பது குறிப்பிடத்தக்கது.